अंत नको पाहू देवा | Ant nako pahu deva |मराठी कविता | छंद खुळा

byAuthor - Anand Patil -March 24, 2021

0

अंत नको पाहू देवा | मराठी कविता | Ant nako pahu deva| marathi kavita | छंद खुळा

अंत नको पाहू देवा...

आलेल्या या संकटाला, मी तोंड कसा देणार

संसार रुपी गाड्याला या, मी पुढे कसा नेणार...

पुरे झाले देवा आता, तू अंत किती पाहणार

जीवन नकोसे झाले रे, तू अजून किती छळणार..

इतके कष्ट करूनही, फळ कधी मिळणार

घामरूपी थेंबाचे तुला, मोल कधी रे कळणार..

डोळ्यातील अश्रूंना या, बांध कधी घालणार

जीवन नकोसे झाले रे, तू अजून किती छळणार..

हातात नाही काही, सांग कसा मी जगणार

पोराबाळांचे पोट, आता कशाने मी भरणार..

या फाटक्या नशिबाला, थिगळ कसे मी जोडणार

जीवन नकोसे झाले रे, तू अजून किती छळणार..

या हारलेल्या शरीरात, तू जोश कधी भरणार

या अंधाऱ्या जीवनाला, प्रकाश कधी रे दाखवणार..

रिकाम्या हाताची ओंजळ, सुखाने कधी रे भरणार

जीवन नकोसे झाले रे, तू अजून किती छळणार..

हाडाच्या शेतकऱ्याची, तू व्यथा कधी जाणणार

उभ्या पिकाला पावसापासून, तू कसा रे वाचवणार..

सोन्यासारख्या मालाला, भाव नाही का मिळणार

जीवन नकोसे झाले रे, तू अजून किती छळणार..

बुडत्याला मदतीचा हात, कोण पुढे करणार

जागा हो देवा, अजून किती रे तुला विनावणार..

मनातल्या असंख्य प्रश्नांना, उत्तर कधी रे मिळणार

शेवटी निघून जाईल प्राण, कुणाचे काय जाणार

जीवन नकोसे झाले रे, तू अजून किती छळणार..

कवी - आनंद कदम

Ant Nako Pahu Deva

Alelya ya sanktala mi tond kasa denar,

Sansarupi gadya la ya mi pudhe kasa nenar..

Pure zale deva ata tu ant kiti pahnar,